Så var helga over.....

Så tenner vi tre lys i kveld.

De står og skinner for seg selv

og oss som er tilstede.

Så tenner vi tre lys i kveld

for lengsel, håp og glede.....

I dag har vi også tent lys for ofra og dei etterlatte etter branntragedia i Herøy der fire ungdomar mista livet...

Eg har ikkje ord........alt i livet har ei meining, vert det sagt....men nei, det finst inga meining med dette, dette er berre grusomt!!

I dag har vi eigentleg ikkje gjort stort....Har pleia den gode farmora mi, og hjulpe den superfrustrerte mor mi med å montere diverse møblement i nye-leiligheita hennar....Stakkars mamma, ho er så leeeeeeei heile oppussinga....ho fryktar ho ikkje kjem i mål til jul....Men jaudå, med litt frisk dugnadsånd no dei neste dagane, så skal det meste vere i boks! Forstår at ho er lei....har vore mykje styr, og ting som har gått gale under oppussinga..det har nok gitt ho eit par ekstra grå hår :)

Som ein liten "takk for hjelpa" under oppussinga, så kjøpte mamma desse lyskjeglene til meg. Har hatt lyst på desse lenge, og synast dei pyntar inngangspartiet vårt fint no i denne førjulstida!

Gledde meg til å sjå Wallander i kveld! Men av alle kanalane vi har å velje mellom, så var det sjølvsagt svensk TV4 som skulle ha svart skjerm i kveld! Men det er jo typisk min flaks då :) Så då bloggar eg litt i staden!

I morga kveld kjem husbonden heim, endeleg!!! No saknar vi han, både eg og gutane! Trur nok han saknar oss også, det kan nok forklare dei 10 telefonane vi får frå han, dagleg :)

Eg gler meg til eg har "barnevakt", så eg får byrja på julevasken mellom anna ;)

Minstemann ligg inn i senga og ropar på meg....trur nok han har planar om å sovne under dyna mi.....ein sta liten skatt hen der :)

Så søtt sov han tidlegare på kvelden....lenge det varte..... :)

Ha ein fortsatt fin kveld folkens!!!!

Ein mektig dag......

Det er kveld og ro i heimen, og eg får endeleg tid til å sette meg ned å skrive nokre ord. Det har vore ein rar dag i dag....ein dag med mange ulike følelsar...på godt og vondt!

Vi låg lenge og vel i senga i dag før vi stod opp, eg og ungane. Berre kosa oss, kikka litt på Barne-tv og småprata. Når vi endeleg kom oss ut av den varme gode senga, så stod vi opp til eit fantastisk fargespel på himmelen!!!! Måtte sjølvsagt ut på verandaen og knipse eit par bileter, noko så vakkert!!!!

Eg tenkte med eitt på Thomas og Tonje som skulle gifte seg i dag! For ein fantastisk flott vinterdag å bli vigd på!!

Tok meg ein tur til kyrkje, måtte berre få med meg når dette vakre paret ga kvarandre sitt JA! Ein nydeleg seremoni, ei strålande vakker brud og ikkje noko mindre vakrare brudgom! Må innrømme det var fuktig i augekrokane under heile seremonien... :)

Ønskjer dokke all lukke for framtida, Thomas og Tonje!!

Thomas er eldste bror til mi beste venninde Silje. Ei dame eg set utruleg høgt, og er umåteleg glad i!

Her er Silje og forloveden hennar. Verdens beste Johan!!

Silje og Hege, ei anna god venninde av meg :)

Ut på dagen i dag fekk vi ein trist beskjed.....Ein i familien vår opplevde dessverre i dag det verste eit menneske kan oppleve, det å miste ein av sine kjæraste. Han mista pappaen sin i ei tragisk ulukke....Alle våre tankar går til han og hans familie, og sjølvsagt også til søskjena hans og familia elles. Vi er med dokke i sorga....Håpar dokke no finn styrkje til å takle tida som ventar dokke...Ta godt vare på kvarandre!

Det er så trist, og så og så ufatteleg meiningslaust når sånt skjer....våre tankar går til dei som no sit att...

Midt i innlegget mitt vart eg oppringt av vaktsentralen i Ålesund. Farmora mi hadde trykt på tryggleiksalarmen, så vi måtte ned og sjekke ho.(Når ho trykkjer på alarmen, kontaktar sentralen nærmaste pårørande). Der låg ho på gulvet...hadde falt...stakkars farmora mi, var i elendig form....Tok oss ein tur på legevakta.

Vi får sjå kva dagen i morga bringer...håpar ho er i betre form!

Er så inderleg glad i farmora mi!! Ho er 85 år, og er merkbart blitt eldre og svakare siste åra....men håpar eg får ha ho i livet mitt i mange mange år til!!

Farmor sommaren -08.

Farmor og vesle Matheo

No skal eg putle meg inn i senga...er vel ikkje mange timar til eg har to prinsar inne hos meg...ein på kvar side :)

Ønskjer dokke alle ei fredfull natt og ei fortsatt fin førjulstid!!!!

Eg lengtar............

..................etter å få sove ei heil natt utan avbrot!!!!!!
Etter nesten 2 veker med 3-4 timar søvn kvar natt, så kjenner eg no at eg ligg veldig på minusen.....Ein treng søvn for å ha energi til kvardagen!
No er det storebror som har blitt sjuk....uff....feber og tett i alle kanalar :( William er livredd "nasespray-monsteret", så i natt har han kava fælt......Nok ein dag med fråvær på jobben for min del, og det likar eg svært dårleg!!! Ikkje noko kjekt å vere ny i jobben og ha mykje fråvær! Men no kjem Patrik heim på mandag, så då får han ta eventuelle sjukedagar den neste månaden :) Satsar på ein ny frisk start neste veke!!!
Men sjukdom eller ikkje, no er vi klare for helga! Kva den bringer, det veit eg ikkje, men vi skal nok kose oss :)

Det lyt bli meir blogging seinare, no må minstemann hentast i barnehagen!

Litt meir frå oss i nr 6 :)

No er det på tide å skrive nokre linjer att! Eg er dessverre ikkje så flink å oppdatere bloggen min som eg skulle ønske....timane og dagane flyg så altfor fort!!

Det er kveld i Lerkevegen 6. William har sove ei god stund allereie, heilt skutt etter fridagen! Matheo ligg fortsatt og skrik og ropar, er absolutt ikkje med på notane i kveld :) Etter veka med sjukdom har det blitt berre tull i rutinene.....mange timar med roting før søvnen tek han! Stakar lillemann...han er fortsatt ikkje bra. No er han tett i luftvegane og forkjølt....Natt til tysdag hadde han "falsk krupp", ei lite kjekk oppleving!! Klokka 2 på natta fekk han eit "anfall", og eg vart tvungen til å "kaste" han ut verandadøra, i minusgradene, det hjalp ikkje noko særleg synast eg......heldigvis har han inhalator med astmamedisin liggjande, eit par doser av den roa det litt! Etter ein stikkpille og litt gråting, så sovna han til slutt...sleten og utmatta. Mamsen var litt trøtt på jobb dagen etter liksom ;)

Ikkje noko kjekt når desse små skattane er sjuke!

Onsdagane er fridagen vår, då kosar me oss som best me kan! I dag har vi herja i heimen, besøkt oldemor Hanna og baka julemannar. He he, eg har nok sett finare julemannar før, men gode vart dei vertfall!!! Etter første brettet var ferdigsteikt hadde gutane plutseleg ikkje tid til å bake meir....dei vart då nemleg fullt opptatt av å "smake" :) Første brettet forsvann i svoltne magar!

Fekk oppskrifta med Hilde på jobben, ho lovde meg at den kom til å gå "rett heim" hjå dei små...og det fekk ho heilt rett i! Tusen takk Hilde!!! Og Hilde, du er forresten ei knakande herleg dame!! Alltid blid og god ;)

Prøvesmaking....nam nam....kan ej ta en til mamma??? Berre en til??? Berre så det er sagt, William smilar ikkje på kommando :)

Reknar med at vi må ta ei runde til med julemannbaking før jul, trur dette lageret forsvinn raskt!

No har vi, som i dei fleste andre heimar, nedtelling til julafta. Men vi har like mykje nedtelling til 21. desember, då kjem nemleg farmor, farfar og onkel Magnus frå Sverige!!! William spør kvar dag, om ikkje farmor og farfar kjem i dag....Han gler seg alltid stort til svenskane kjem på besøk til oss, då veit han at det ventar mykje oppmerksomheit, leik og moro!! Og ikkje minst pakkar.....Farmor og farfar har gjort det til ein tradisjon å alltid dukke opp med eit utal pakkar....Dei kallar det ein kompensasjon for alt dei ikkje får gitt barnebarna sine, med tanke på at dei bur 105 mil frå oss.....

No er det 9 veker sidan dei var her sist, så det skal bli godt å sjå dei att!!

Set veldig stor pris på svigermor og svigerfar, dei betyr veldig mykje for oss!! Skulle berre ønskje vi fekk vere mykje meir i lag!!

Magnus - snille gode onkelen vår!!

Farmor og William på dåpsdagen hans. Farfar på besøk i Ørsta, sommaren 08.

(korleis får eg snudd biletet????)

No svigermor, no har eg ordna slik at du kan leggje inn kommentarar på bloggen vår!! Så no håpar vi at dokke skriv nokre linjer til oss :) Hoppas ni har det bra, dar långt inni skogen, i det lilla røda huset :) Vi elskar er!!

I morgon skal eg levere ungane i barnehagen, og suse til Moa...er vel på høg tid å byrje på julegåvene! Gler meg til ein heil dag på Moa åleine!!!

God klem til dykk alle saman!!!!!

God laurdagskveld!

Eg har fått ei utfordring frå Silje Nelly i siljenelly.blogspot.com, og den går ut på å fortelje om produkt og favorittar eg har i skapet på badet! No har eg aldri vore særleg god på sminke og andre velvære-produkt, men her for ei stund sia så bestemte eg meg for at no skulle eg jammen meg freshe meg opp litt, og gjekk til anskaffelse av ulike dilledallerier....Men fy så dyrt det vart da gitt!!! Men dyrt eller ei, det var som dama bak disken sa, produkta er fantastiske!! Eg har oppdaga ei ny verd innan egenpleie ;) So here I go:

Rensegelè: Clinique

Ansiktsvatn: Clinique

Dagkrem: Clinique

Nattkrem: Clinique

Shampoo: Elvital Colour Vive

Balsam: same som shampoo :)

Dusjsåpe: Family Fresh Pearl Dream eller ungane sin Natusan Bedtime

Kroppskrem: Vaseline Intensive Care Aloe fresh

Handkrem: Vaseline Intensive Care Hand and Nail

Fotkrem: nope....e ikkje særlig flimk å ta vare på føtene mine...

Sminkefjernar: Clinique

Mascara: Max Factor Masterpiece Max

Øyeskygge: Isadora Golden Myrtle, trippel.

Foundation: Isadora Hydralight, men dette brukar eg veldig sjeldan...

Leppestift: har ein liggande, men hugsar ikkje kva den heiter.

Lippgloss: masse forkjellige, er vel avhengig eg og :)

Har aldri før brydd meg om rensegelear, ansiktsvatn og dyre ansiktskremar....Til meg har kaldt vatn og ein dæsj Aloe Vera i ansiktet vore meir enn bra nok....men no kjem eg nok til å fortsette med denne egenpleien! Er ganske godt å legge seg på kvelden med eit nyskrella ansikt! Dessverre gjer det ikkje mykje på skjønnheita, men det føles vertfall friskt og godt :)

Det var den utfordringa :)

Shoppingturen til Moa på torsdag gjekk i vasken, det same gjorde julebordet med jobben i går....Forma har mildt sagt vore elendig! Eg og Matheo har hatt ei uggen veke, men no er vi på opptur! Matheo er frisk, trur eg, og eg har berre ei tett nase att...Hærleg, lengtar etter ei natt med god søvn!!!!! Mamma- mi godaste mamma, var her med oss i går kveld og var min "personlege assistent"...laga heimelaga pizza til oss, rydda og hjalp til med ungane...det var godt det!! Set så stor pris på mor mi, ho stiller opp når det måtte vere!!

Verdens beste mamma, og verdens beste tante!!!

I dag har vi eigentleg ikkje gjort stort...Rydda litt i heimen, og elles berre vore saman med prinsane mine! Trur det har vore ein litt lang og småkjedeleg dag for gutane, men av og til er det berre sånn kvardagen er....dei lyt lære seg det. I morgon er det familiebading, også får vi besøk av Janne og Martin frå Olden! Dei har ikkje vore her sidan i juni, og har vel ikkje akkurat gode minner frå det besøket....Martin vart akutt sjuk (Guillan Barre` Syndrom) laurdagsmorgonen, og før kvelden var komen var han flogen til Haukeland med luftambulanse...Etter eit par dagar var han lam i heile kroppen...Heldigvis enda det godt!! Han har lagt bak seg mange månadar med opptrening, og har nok eit lite stykke att før han er der han var før han vart sjuk.....Ei frykteleg skremande oppleving! Gler meg til å sjå han og Janne igjen!!!!!

Elles må eg berre seie at eg er glad for at eg byrja denne blogginga! Alle er så snille med kvarandre her inne i "Blogglandia"...ein får så mange fine kommentara og støttande ord, frå kjende og ukjende! Hadde det berre vore på same måten når vi traff kvarandre "på gata".....

Det kjekkaste er å verte "kjend" med personar eg moglegvis aldri hadde hatt kontakt med om det ikkje var for blogginga! Er glad i å stifte nye bekjentskap, og denne plassen er perfekt til nettopp det!!

Lill har sendt meg ein fantastisk utmerkelse, min første faktisk, og gjett om den rørde meg!! Tusen takk Lill!!! Eg har enno ikkje skjønt korleis ein "hentar" desse utmerkelsane, men det går vel opp eit lys for meg også ein dag! Og når det lyset går opp, då skal eg hente utmerkelsen og leggje den på sida mi :)

No er det way past bedtime for min del....tør ikkje håpe på at natta blir noko bedre enn den forrige :)

Ønskjer dokke alle ei fredfull natt, og ei fortsatt god helg!!!!

Sjuklingar....

I dag har det eigentleg vore litt slitsamt å vere Elisabeth Remmen..... Er vanlegvis ikkje den som klagar, men nokre dagar er mindre kjekke enn andre...sånn er det berre!

Gutane har fri frå barnehagen onsdagane, så i dag tenkte eg vi skulle kose oss!

Men etter ei natt med heller dårleg søvn, så vakna eg potte tett, og alldeles ikkje i form. Jippi, dette lovar bra....skulle ønske eg hadde eit par pensjonerte besteforeldre å låne vekk ungane til...-tenkte eg då :) Men eg kokte egg, varma rundstykker og laga varm kakao, så vi fekk oss i hvert fall ein god og koseleg frukost :)

Har så absolutt ikkje tid til å bli sjuk no...har altfor mykje på plakaten! Kroppen verker, haudet verker og nasa renn...I tillegg har Matheo feber på tredje dagen, og har absolutt ikkje vore nøgd med tilværelsen, skatten min! Han har stort sett vore grinete heile dagen, og har berre vore nøgd på mammas fang... 39, 2 var feberen no i kveld, så han fekk seg ein stikkpille i håp om ei litt betre natt...

Vi var ein tur på legevakta i går kveld, men legen kunne avkrefte øre/hals-betennelse, heldigvis! Men han hadde ein del væske i ørene, og det kan gjere vondt sa legen...Væske i ørene har han vore plaga med lenge, så det går vi jevnleg til kontroll for...

Eldstemann derimot, han har vore fullstendig turbo heile dagen!! Stakkars William, mamma orka ikkje lese bok, bygge lego, stupe kråke i sofaen eller springe villmann rundt i huset! Mamma har berre vore slappfisk :) Kjedelige mamma......Til slutt ga han opp, og har nok brukt litt for mange timar foran TV-skjermen i dag!

William elskar å bade!! I dag har han vore til frisøren, og då måtte jo sjølvsagt håret vere nyvaska :)
Etter middag, så berre måtte vi kome oss ut litt...så vi tok turen opp til familien Indrearne Raisio! Det var berre karane i huset som va heime, men vi kosa oss læll! Gutane strålte, lett å sjå at dei synast det var godt og kome seg ut litt, få litt anna stimuli :)

Om Matheo har hatt ei ok natt, og er feberfri i morgon, så leverer eg ungane i barnehagen og stikk til Moa! No er eg berre nøydd å byrje på julegåvene!! Gutane skal få seg saccosekkar i år, og då har eg sett nokre fine på Bohus i Spjelkavik...så eg tek like godt resten av julehandelen der ute også....handelslekkasje..hi hi :)

Det er enno tidleg kveld, men eg kjenner at eg er klar for senga no....Tenkte eg berre skulle slenge inn nokre bileter frå dei siste vekene! Veit at farmor og farfar i Sverige ventar på bileter :)

Willisam og Matheo ute på akebrett ein nydeleg vinterdag i forrige veke!

Tenk om dette vakre vinterveret kunne få vare litt lenger enn 2 dagar!!

Matheo, morgenstund har gull i munn! Denne karen er som regel aldri morgongretten :)

Minste skatten vår, Jonas!

Nei, maskina mi er så siiiiiiiiinsjukt treig....tek år og dag å laste opp bileter, så eg trur eg må fortsette i morgon.....

Har også fått nokre kommentarar på tidlegare innlegg, og berre så dykk er klar over det, eg skal svare!! Men trur eg må gjere det også i morgon :) Set stor pris på alle kommentarar!!

God klem til dokke alle sammen!!!

Ny veke :)

Då har det blitt nåkre dagar sidan eg blogga sist....eg som skulle verte så flink og skrive nåkre ord kvar dag :)

Det er kveld og endeleg tid for litt "vaksentid". Patrik reiste offshore igjen i dag, så eg har vaksentid åleine...godt det også :) Desse 14 dagane Patrik er ute, brukar eigentleg gå ganske fort...håpar dei gjer det denne gongen også! Men denne gongen trur eg det blir litt meir hektisk på heimefronten....Eg har ikkje begynt å handle julegaver endå, eller tenkt på hverken julevask eller julebakst...så eg har eit par utfordringar framom meg! Men jul skal det nok bli likavel, eg kjem nok i mål eg også :)

I dag har eg vore heime med Matheo, han har feber og er ikkje i form.. Mest sannsynleg kjem det vel av vaksina han fekk forrige veke. Helsesystra sa han nok kom til å få feber etter ei vekes tid. Så i dag har han berre vore i "sitte på fanget til mamma"- humør! Sjølvsagt måtte han bli sjuk når papsen ikkje er heime....då har ikkje mamsen anna valg enn å svikte kollegaene sine på jobben og bli heime...

Her er minsteprinsen vår...Ikkje heilt i slag, og heller ikkje særleg lysten på å smile til fotografen.....Lille skatten vår....

Vi satsar på at dette blir kortvarig og at vi er klare for jobb og barnehage i morgon! Ein stikkpille brukar å gjere susen til natta...

Men det skal jo seiast at sjølv om minsten har vore elendig i dag, så er han jo likavel forunderleg blid og god!

Vafler til kvelds......

....før tannpuss...Og det skal sjølvsagt gjerast åleine, og helst med mamma sin tannkost :) (mamma kvalitetssikrar sjølvsagt etterpå )

Storebror måtte også posere litt :)

Storebror er inne i ei litt "sær" periode no for tida....Han har nåkre utrulege humørsvingingar, og kan by på store utfordringar dagleg! Alt skal diskuterast, og heile tida skal det meglast....Veit at dette er heilt normalt, og at dette er noko som følgjer alderen....Men av og til blir eg sittande å lure på om dette verkeleg er normalt....Det er til tider mykje sinne og trass som bur i denne vesle skrotten :) Vi må nok innrømme at han også er ein smule bortskjemd...og det og trass er ingen god kombinasjon! Eg og Patrik har bestemt oss for å "stramme inn" litt no framover....vise poden kven som verkeleg er sjefen her i huset :)

Heldigvis ser vi mest av den snille og gode William`en vår, men desse "utbrudda" kjem hyppigare enn vi ønskjer...

Men det skal seiast at det er enormt mykje godheit som bur i denne guten! William var 2 1/2 år når Matheo vart født, og vi var veldig spent på hans reaksjon til veslebroren...Per dags dato har vi ikkje opplevd ein einaste negativ reaksjon frå storebror! Det er ganske overveldande kor flink han er, og heile tida har vore, med veslebroren sin. Han har vore omtenksom og beskyttande frå første dag, og det er ikkje vanskeleg og sjå at denne 4- åringen er frykteleg glad i veslebroren sin :) Og sånt gjer ei mor stolt!! Kven kunne drøymt om å få to sånne hærlege gutar, friske og gode!

Nei, no er det nok skryt........ :)

I morgon skal eg leggje ut litt bileter frå dei siste vekene! Har kjøpt meg ny kortlesar, så no skal det bli orden i sakene!

Då er det kveld i Lerkevegen 6....Blir nok litt TV- sjåing i senga før søvnen tek meg, men......

Ønskjer alle ei god natt!!!!!

Døgnet skulle hatt fleire timar....

Det kjenner i hvert fall eg :) Synast dagane flyg sørgeleg fort....rekk ikkje over halvparten av det eg har planlagt å gjere! Mest av alt har eg dårleg samvit for venane mine, som eg har vore særs dårleg å besøkje!! Det skal kome "betre tider", det lovar eg!!! Men dokke veit jo kvar eg bur også da...hint hint....

Og stakkars William....han må vere ganske lei av å høyre mamma seie "berre vent litt", i omlag alle samanhenger....Storeguten min, mamma skal bli mykje flinkare til å sette seg ned med deg og bruke tid på deg....I dag, før barnehagen, så sette eg og William oss ned og bygde ein Bionicle-lego-figur...vi kom 25 min "for seint" til barnehagen, men det gjorde ingen verdens ting, for William storkosa seg når mamma hadde litt kvalitetstid å spandere :) Det slo meg kor lite som eigentleg skal til for å glede ein liten tass, og eg lovde meg sjølv der og då, at framover skal vi ha mange sånne stunder!!
No er det sjølvsagt ikkje slik at vi ikkje har tid her i huset...Men eg har kome dit at eg skal prøve å ikkje bry meg så mykje om korleis det ser ut rundt meg til kvar ei tid, husvask og annen vask kan takast når ungane har lagt seg :) Eg trivs absolutt ikkje i rot og kaos, men litt mindre fokus rundt dette hadde nok ikkje skada... :)

Og eg som skulle bli så fantastisk flink å blogge....ja ja, det skal kome betre tider på denne fronten også :) Så kjedeleg no når kortlesaren min ikkje verkar, då får eg ikkje lagt inn nye bileter! I morga køyrer eg til Elkjøp og kjøper ein ny...veit at svenskane er innom kvar dag i håp om å sjå nye bileter av prinsane sine!! Og ikkje er eg nokon dyktig skribent heller....

Ja, det var litt alvorsord til meg sjølv!! No skal eg snart finne senga...Har fri i morgon, men skal bruke dagen til å hjelpe mamma! Ho skal flytte inn i leiligheita si førstkomande søndag, så no vert det dugnad i dagane framover...Snart ferdig oppussa, og det vert sååååå fint!!

Ynskjer alle ei god og fredfull natt!!

Gode minner....

Det blir litt for lenge mellom kvar gong eg bloggar....men det har si forklaring....eg har ei skikkelig mygla datamaskin!!!! Den lever heilt og fullt sitt eige liv, og bestemmer sjølv når den har lyst å adlyde meg!! I tillegg har kortlesaren min pensjonert seg, så no slit eg med å få lagt inn bilete også....Så øvst på ønskelista til jul i år står ny laptop og ny kortlesar :)

Og vi som vart einige om å ikkje vere så kravstore i år :)

Kjøkkenet er no oppe og går, endeleg!! Og eg er kjempefornøgd med resultatet!! Skal leggje ut bileter når det står heilt ferdig....Vi ventar på at elektrikaren skal gjere frå seg det aller siste. Når han har gjort frå seg, då får vi smelle opp dei flotte veggplatene våre og ventilatoren! Vi har i tillegg ei del småtteri igjen, som dekksider, sokkelar, lyslister og andre lister...kjekt ;)

Jadda...no er eg åleine med ungane igjen nokre dagar..Patrik tok ein Sverige-tur, men blir heldigvis ikkje lenge. Skulle kjøpe litt kjøt og diverse....og i følgje seg sjølv, et par julegåver..(ja ja, blir spennande å sjå kva han kjem heim med!) Likar eigentleg best tanken på at eg sjølv får bli med å handle desse julegåvene...veit no aldri kva dei dreg i land desse mannfolka :)

Det var jo meininga vi skulle til Sverige eg og ungane også...men billegaste flybilletten var 12 500 kr, og det synst vi var noko urimeleg...Orka heller ikkje køyre dessa 210 mila med ungane, så då vart vi heime dessverre...Har veldig lyst til Sverige, så håpar det ikkje blir så lenge til neste anledning byr seg!!

Svigers og onkel Magnus kjem og feirar jul hos oss i år, og det gler vi oss veldig til!! Det blir folksomt rundt juleribba i år, vi tel 16 stk, små og store! Julemiddagen tek vi hos Hege og Nils, medan vi tek kaffi,/dessert/kaker og julepakkeåpning her heime hos oss....Gler meg verkeleg mykje til jul i år, trur det vert ei koseleg tid!! Jan, far til Nils er ute på båt denne jula, så han kjem vi nok til å sakne...men bortsett frå han, så manglar vi berre ein person.....den gode pappaen vår! Jula er nok ikkje den samme utan han lenger....eg saknar han så uendeleg mykje..kvar dag, kvart einaste minutt er han i tankane mine....Skulle gitt sååå mykje for å ha deg her pappa, synast det er så urettferdi at du måtte forlate oss så tidleg....

Det er rart korleis ein lærer seg å leve med ei slik sorg...Då pappa døde, hadde eg store vanskar med å godta at livet skulle spasere vidare..trudde aldri eg ville kome over sorga, eller godta ho på nokon måte......men så går tida da, verda stoppar ikkje opp av slikt....og sakte men sikkert kjende eg at det faktisk var mogeleg å glede seg over ting, mange ting faktisk, samstundes som eg kjende på tomheita etter pappa kvar ein einaste dag....Tomheita er ikkje mindre i dag, heller større...og saknet veks kvar ein einaste dag...men no lever eg på minna frå deg pappa, masse gode minner!!!! Tusen takk for alt du var for oss, vi var så uendeleg glade i deg!!!

Håper at eg no kjem inn i ein fin flyt med blogginga mi, og at eg klarer å produsere eit par setningar kvar dag! Skal i all fall gjere så godt eg kan ;)

Utfordringa du ga meg Annike, den skal eg ta....må berre ha litt bedre tid...kanskje i morgon, så får eg nokre ekstra timar å tenkje på :)

Då ønskjer eg dokke alle ei god natt, og ein flott arbeidsdag i morgon!! No er det straks helg folkens!!!!

Litt oppdatering....

No var det jammen lenge sidan eg blogga!
Det er totalt kaos i heimen vår, og all tid går med til å pusse opp kjøkenet...
Vi byrjar å sjå at det tek form no endeleg :) Ikkje alt har gått etter planen...vi har mellom anna fått feil benkeplate....men etter ein fortvila telefon til Ikea, så lova dei å stå på døra vår i morgon :) Det tykkjer eg er service!!!!

Ein annan grunn til at det har vore dårleg med blogging i det siste, er at vi har vore utan internett.....Vi er to vaksne analfabetar når det gjeld data, men HELDIGVIS har vi vår fantastiske nabo Einar Magne!! Han er vår ambulerande "datareperatør" når vi i nr 6 ikkje har kontakt med nettet :) Av og til kan det vere så enkelt som at strømkabelen er slått av, då kjem Einar Magne å skrur den på...hi hi ;) Tusen takk for at du er så snill Einar!!!!!!!!
Vil forresten helse til Kristin som har bursdag i dag! Gratulerer med dagen Kristin!!!! Du er ei fantastisk dame, og eg er sååååå glad for at eg har deg!!! Deg kan eg flire og fjase med, og deg kan eg fortelle alt til, og eg veit at det ikkje kjem vidare...Håpar du har hatt ein fin bursdag Kristin, set kjempestor pris på deg :)

Når kjøkenet er vel i havn, så skal eg bli flink å oppdatere bloggen dagleg...skal også bli flink til å leggje ut bilete frå kvardagen vår...
Det eg absolutt skal bli flinkare til når oppussinga er over, er å prioritere kvalitetstid med dei deilege ungane mine....stakarane, kor kjekt er det å sitje å sjå på at mamma og pappa stressar rundt med kvart sitt skrujarn?????? Masse dårleg samvit i kroppen min no!!!!!

Men no, no skal eg krype under dyna :) Nattinatt.....

Nytt kamera :)

I dag har eg tatt i bruk mitt nye speilreflekskamera, Nikon D60 Double VR, og er suuuperfornøgd! Aldri hatt eit sånt flott (og dyrt) kamera før, men no har eg fått ein heilt ny opplevelse av det å ta bileter!! Skulle skaffa oss eit sånt kamera for lenge sidan....synest liksom vi aldri har fått noko særleg bra bileter av ungane med vårt gamle digitalkamera! Men no kan vi glede oss over flotte bileter framover :)
Tek nok litt tid før eg lærer meg å bruke kameraet skikkeleg, som sagt så har eg ikkje særleg til teknisk innsikt :)
I dag skal eg byrje å rive kjøkenet mitt....Nye- kjøkenet mitt har kome, og eg tenkte eg skulle vere ferdig med rivinga til Patrik kjem heim på onsdag....så kan han byrje å legge nytt golv....trur ikkje heilt eg veit kva eg har tatt på meg, er nok mykje arbeid!!!! Apropos golv, så er eg berre såååå fornøgd med golvet eg har bestilt!! Persisk valnøtt heiter det, og slik ser det ut:














Trur dette golvet blir kjempebra på nyekjøkenet :)

Kjøkenet har eg bestilt frå Ikea, så det ligg berre å ventar på å bli montert...Bestemte meg for kvit høyglans, spent på å sjå lorleis det blir til slutt! Kjøkeninnreiinga som står her no er 22 år gamal, og veldig sleta!! Den har stått sidan mamma og pappa budde i huset :) Har tenkt lenge at vi skulle ha kvitta oss med den, men det har liksom ikkje blitt før no....Sidan den er 22 år gamal, så kunne den sjølvsagt vore mykje verre, men heldigvis så valde dei den gongen ei heilt nøytral kvit Sigdal innreiing :) Sånn ser kjøkenet ut no, gler meg til fornyinga!!!













Søren tute......slit veldig med plasseringa av bileta....har ikkje heilt skjønt dette enno :( Men det får bli som det blir fram til eg har fått kontroll på denne blogginga!!

Har vore på familiebading i dag, det er fast kvar søndag kl 11, og er alltid like kjekt!! Vi er ein flott gjeng, og ungane syns dette er kjempestas! Ein fin start på dagen, syns no eg :)

Ellers må eg no berre få sagt at eg gler meg til Patrik kjem heim!!! Blir godt med ein vaksenperson til i huset :) No når han kjem heim, så har han fri til 4. desember! Blir godt å ha han heime såpass lenge! Nei, folkens....det er vel berre å byrje på slitet....Får blogge meir seinare!

God søndag til dokke alle saman!!!

Brrrrrrrrrr........

I dag var det ikkje noko kjekt å stå opp....hadde det varmt og godt under dyna, men med to utolmodige småtassar, så var det berre å kaste seg ut av hærlegheita og kome seg inn i morgonkåpa :) Men brrrrr....innmari så kaldt det var i huset da....måtte sjekke temperaturmålaren på kjøkenet....13,3 plussgrader!!!!!! Fy.....så snart Patrik kjem heim neste veke, så går vi til anskaffelse av varmepumpe!! Har vedovn, og fyrte hardt og godt i den, så varmen kom seg om litt....men hadde vore fint om ein slapp gjere det på morgonen :)

Har hatt begge ungane hieme i dag, så vi har farta rundt litt. Vore på utkikk etter dunjakke til Matheo, men fann ingen som fall heilt i smak...eller, fann ei på Sport1 i Volda...men litt dyr, og han veks jo så raskt, så tenkjer eg ventar til vi reiser til Sverige 19. nov! Då skal vi julehandle på Gekås i Ullared, der har dei alt mellom himmel og jord, tenkjer eg finn jakker til gutane der:) Tenkjer eg finn mykje anna (u)nyttige ting og tang der også :)

I kveld har vi 10 av oss på jobben vore i Fosnavåg på Restaurant Maki og kosa oss!! Ei fantastisk 3-rettars middag, av hærlegheiter som havet byr på! Må berre få sagt at det er ein nydeleg gjeng eg jobbar saman med, eg trivs så innmari godt!! Det er mykje som kan seiast om Nav i desse dagar, men vi som jobbar der har det vertfall artig i lag!!

Nei, trur eg må blogge meir i morgon.....skal på jobb, så må krype til køys..
Ei god natt til dokke alle sammen!!!

Frøken Slitesen!!

Kjenner meg moglegvis ein smule mindre begava no når eg har byrja å prøve meg på denne blogginga.....skjønar rett og slett ikkje korleis alt fungerer!! Alle har så fine bakgrunnar på bloggane sine...korleis får ein det til då?? Og korleis får eg plassert bileta mine der eg vil på bloggsida?? Har lasta ned Windows Live Writer, det skulle visst vere nyttig....men ka hjelp vel det når frøkena ikkje skjønar korleis ho skal handtere det :)
Ja, ja...eg vert vel klokare etterkvart...har ikkje tenkt å gje meg med det første!! Lyt vel ta meg ein tur bort til naboen og få litt eksperthjelp :)

I dag har eg hatt fri!! Har fri onsdagane og torsdagane, jobbar 60 %. Eg og Patrik fann ut at det var det beste no når han har byrja jobbe på plattform. Då har eg ungane heime frå barnehagen onsdagane, også får eg gjere det husarbeidet som trengs på torsdagane...nåja, husarbeid må ein gjere kvar einaste dag likavel, men eg får sjansen til å gjere det litt nøgnare torsdagane :) Så arbeidsvekene mine går eigentleg fort. Syns også det er deileg å sleppe å jobbe fullt no når ungane er små...tida saman med dei no er særs verdfull!!!!!!!

Dagen i dag har gått i ett. Ikea-kjøkkenet vårt har kome, så i dag har eg fått i hus heile denne flatpakka hærlegheita! Må sei eg gruar meg litt til monteringa....Når Patrik kjem heim 5. nov skal gamle-kjøkenet vere fjerna, og klart for han til å legge nytt golv.....har ein STOR jobb foran meg :)
Ellers har eg hjulpe mamma resten av dagen. Ho har kjøpt seg leilegheit i rekkjehus på Vallabøen, så siste dagane har vi reve så å seie alt innvendig....no har vi så smått byrja på maling og tapetsering....Blir kanonflott til slutt!!!

Så...huset er rydda, ungane søv, og no skal eg nyte siste tida før natta melder seg....Alltids noko å glane på på TV`en veit dokke :)
Veit at ingen er inne å følgjer bloggen min enno, er jo så ny....men ein fortsatt strålande kveld til dokke alle!!

Hello Sweden!!!

No har eg kasta meg ut på noko eg aldri har gjort før! Eg har blitt bitt av bloggebasillen!!
Etter å ha lese andre sine bloggar ei stund no, så fann eg ut at eg jammen ikkje kunne vere noko dårlegare.....Men ein kan jo kjenne eit snev av prestasjonsangst når ein ser alle desse flotte bloggane som vert skapte rundt omkring, og kor harmonisk det verkar vere i "alle" heimar...Då kan eg jo seie med ein gong at vårt kvardagsliv ikkje berre er farga av "glade fargar", vi har også gråe dagar. Dagar der alt ikkje er like fint og flott...dagar der ein eigentleg berre ønskjer at klokka blir så mykje at ein kan finne senga og drøyme seg til ein ny, og forhåpentlegvis betre kvardag. Heilt normalt, tenkjer eg!
Sjølvsagt og heldigvis kjem ikkje desse dagane ofte, men eg synes det er vel så greit å dele sånne dagar, og ikkje berre farge alt lyserosa... :) Det er vel verklegheita vi skal dele her på Blogglandia, som dykk etablerte bloggjarar kallar dette vakre samfunnet :)
Er spent på å sjå korleis dette går...om eg skjønar denne blogginga...og om eg i det heile tatt skriv noko som fengjer andre der ute.

Heilt til slutt vil eg også seie at den største grunnen til at eg no prøver meg på blogging, er den kjære familia vår i Sverige. Sambuaren min er svensk, og forhåpentlegvis gjer vi det no enklare for hans familie å følgje kvardagen vår. Vi snakkar rett nok med dei på telefonen kvar einaste dag, men det vert likavel noko heilt anna å følgje bloggen på nettet og sjå biltete og anna frå kvardagen vår :) Så "Hello Sweden!!!!!"